كوباية النسكافيه كلاكيت تانى مرة

وانا قاعد حالا وباشرب كوباية النسكافية لتانى مرة وبرضو باسمع وجيه عزيز
جت فى دماغى حتة فكرة
لالالالالالالا
فكرة جديدة خالص غير الفكرة الاولانية
قلت اقول لكم واهو اخد فيكم ثواب واعرف رايكم
تخيلوا كده لو بقينا دولة ديمقراطية
اه والنعمه بجد ديمقراطية
يعنى مفيش كوسة ولا تزوير
مفيش رئيس مدى الحياة
مفيش حزب واطى
مفيش
مفيش
مفيش
دلوقتى الواحد بيمشى فى الشارع يبص فى وش الناس بيحس انهم هايدوله بالجزمة
صح يا جماعه ولا انا غلط
طبعا صح انا عارف
الناس ماشية قرفانة
لا مش من الريس محدش يغلطنى
هو الريس بتاعنا ادام الله حكمة حد يقدر يغلط فيه ؟؟؟
المهم
سيبونى اكمل الكلمتين بقى مش كل ثانية واحد يطلع لى بتعليق
تخيل كده انك بتتعلم تعليم نضيف
اه والله تعليم نضيف
لا يا عم الظريف مش مغسول ببريل
تعليم نضيف يعنى تعليم يدخل مخك بسهولة
كلام تفهمه وتستعمله بعد ماتتخرج
مش تخش ترشق الكلمتين فى ورقة الاجابة وتخلع
وياسلام لو القوى العامية بتاعتنا عملت عملية وبقت تشوف كويس وتعين كل واحد فى تخصصة
مش تجيب لى مهندس الزراعه وتعينهولى فى ورشة ميكانيكا
لا عادى وربنا بتحصل فى مصر مش غريبة
والواحد يزاكر علشان عارف انه لما يخلص هايشتغل وهايقبض مرتب كويس يعيشة عيشة حلوة مش يقبض 150 جنيه مايكفوش لب للعيال
ونروح ندى صوتنا فى الانتخابات ما احنا عارفين اننا اللى بننجح الراجل دا مش التزوير
ونقول اللى نفسنا فيه ما احنا عارفين ان لو فى ظابط امن دولة غلط احنا اللى ها نعاقبة ما احنا الشعب القوى الاولى فى البلاد
ومفيش امين شرطة يمشى يتنطط على خلق الله
بذمتكم ساعتها هاتلاقى حد مكتئب
بس يا عم الرخم بدل ما اقوم اضربك بالنار
عارف ان هايبقى فى ناس مكتئبة
بس هايبقى بحد اقصى 4% ل 5% ولا ايه ؟؟؟
مش دلوقتى بحد أدنى 100% صح؟
طيب ايه اللى ها يحصل لو فقنا؟؟؟؟
قدامنا سنتين طحن
مجلس شعب وشورى ورئاسة
ماتيلا بينا نجرب
نحط اعضاء مجلس شعب نضاف
عارفينهم
وعارفين انهم هايحققوا لنا الديمقراطية
هاتقول لى هايزوروا
يبقى نقف لهم زى اللقمة فى الزور
نراقب الانتخابات
لما كل لجنة يبقى فيها 3 بيراقبوا الانتخابات
هايحصل تزوير؟؟؟؟
طبعا لا
لاننا لو شدينا معاهم هايخافوا
لاننا فاهمين حقنا
واحنا اللى على حق مش هم
انا شكلى كده ها اقلب بنكد واغم الناس
كفاية طكده علشان ايدى وجعتنى من الكتابة
يلا سى يو ان انزر نوت :-)

رئيسا للجمهورية

وانا قاعد مع نفسى كده وباشرب نسكافية
ومنسجم على الاخر وباسمع وجيه عزيز
جت فى دماغى حتة فكرة قلت اما اخد رايكم فيها
استقل بنفسى واعمل جمهورية مستقلة واسميها (جمهورية عمرو) ايه رايكم
وبما انها جمهورية هاتبقى ديمقراطية بقى
وانتخابات رئاسة
ومجلس شعب
وشورى
ومحليات
ونقابات
و...و....و...
من الاخر يعنى كل حاجه ديمقراطية
و بما انى ها ابقى المواطن الوحيد ها ابقى انا كل حاجه برضو
طيب ماتيجوا نفكر سوا كده
ها افتح باب الترشيح لمنصب رئيس الجمهورية
و انا اللى ها استلم الطلبات طبعا
وبرضو انا اللى ها اترشح
و اخد الملف بتاعى واروح اسلمه ليا برضو
واقعد اراجع على الملف ورق ورق واتلكك على اى غلطة علشان ارفض الملف ليا
و تيجى النتيجة والاقى نفسى مرفوض
واروح اقدم طعن
وها ابقى انا القاضى برضو
و اقبل الطعن
وادخل نفسى الانتخابات بحكم قضائى
و ابدا اماطل فى انى اقبل الملف بحكم العادة بقى والرخامة
و فى الاخر ها اقبله
ويجى يوم التصويت بقى
وبما انى المواطن الوحيد فى الجمهورية
ها ابقى انا المصوت على الانتخابات
والقاضى اللى بيراقب
والشاب بتاع المجتمع المدنى اللى بيبقى معلق الكارنيه دا عارفينه ؟؟؟
وانا الظابط الرخم اللى واقف هناك وبيرخم على خلق الله
و انا المستشار اللى ها يفرز الاصوات
و يعلن انى كسبت
و ابدا امارس السلطات بقى
و ابقى انا الريس
ورئيس الوزرا
والوزرا كلهم
والموظفين
و اهم حاجه
ها ابقى ظابط امن الدولة
و السياسى الوحيد فى البلد
و ابدا بقى استجوب نفسى
وامضى امر اعتقال ليا
وبعد ما اخرج من المعتقل
ابدا اجهز لمظاهرة كبيرة
علشان تعمل انقلاب عليا
و الجيش يسيطر على البلد بقى
عادى ما انا برضو وزير الدفاع
والقائد الاعلى للقوات المسلحة
و اصحى الصبح الاقى دماغى مش رايق
اروح اعمل اعتصام عند النائب العام
اللى هو انا برضو
و اقف كردون امن مركزى حوالين نفسى
وادى لنفسى امر انى اضرب
وابدا اضرب
علشان انا اللى معتصم يجرى
يااااااااااااااااااااااااااه
انا بدات اصدع
كفاية كده بقى
ايه رايكم ؟؟؟؟

عدالة ... حرية ..... ديموقراطية

كنت قد قررت الابتعاد عن التدوين وفجاة انقلبت الموازين ولم اجد اخطر من ذلك الحادث ليعيدنى مرة اخرى للتدوين تضامنا مع صديقى احمد مصطفى
نتيجة سرد تلك الواقعه هو الان فى المحكمة العسكرية
يحاول النظام ان يغطى فعلته فان كانت تلك جريمة فانا مجرم معه ومتضامن معه فى جريمته
وعلى الجميع نشر تلك النوت لفضحهم اكثر واكثر
علهم يقبضوا علينا جميعا



فضيحة الكلية الحربية - أحمد مصطفى .. المقال اللى ودا صاحبة ورا الشمس


مين يقول عالظلم.....عدل؟؟؟؟؟
قبل القراءه كده الموضوع ده جديد ولسه حاصل في خلال الايام دي احنا النهارده16/2/2009
والاب ده خايف ان الموضوع يوصل للصحافه بس انا قلت انشره هنا حاجه كده علي قدنا
واوعدكم لو رضي ان الموضوع يوصل للصحافه هيوصل زي الصاروخ ولو حد من الصحافه شاف الموضوع هنا ونقله والراجل حصله ضرر يبقي نصيبه كده بقي وربنا يصبره ويقويه علي الظلم والظالمين
الحكاية اللى انا هحكيها دى من صميم جرح بيت مصرى على اد حاله يادوب بيقول ياحيط دارينى

المهم ندخل فى الموضوع على طول
الحكاية هى حكاية مدرس انجليزى كان بيدرسلى ايام ثانوى الراجل ده انا ماشوفتش حد فى اخلاقه ولا فى ادبه بصراحة راجل قمة عنده ابن دخل الكلية السنة دى ولأن ابنه كان فى فريق كورة وكان دايما بيكسبوا ماتشات شاء القدر وربنا كاتبله يدخل كلية الحربية ومن غير وسايط ولا...........كاش من تحت الطرابيزة ولا اى حاجة المهم دخل بمجموعه ومجهوده وكان مرتاح جدا فى الدراسة ومجتهد وكل اساتذته بيشكروا فيه على ادبه واحترامه

المهم ايه الولد ده امتحن امتحانات الترم الاول عادى خالص وتمام على كده

ومن حوالى شهر كده فوجىءاستاذى ان كلية الحربية باعتين له استدعاء فورا

فراح يشوف ايه الموضوع لاقى ظابط بنسر ودبورة( زى مابيقولوا هههههههه)

بيتكلم معاه وبيقولوه ان ابنه عمل مشاغبات وكان عايز يضرب زميله عشان كتاب

ويفاجىء الاستاذ بصاحب النسر والدبورة بيقولوه بل ويجبره انه يمضى على استقالة ابنه من الكلية بحجة ان ابنه غير قادر على الحياة العسكرية وانه مش هينفع يكمل فيها وده كمان لازم يكون فى طى السر والكتمان عشان مايشوشرش على ابنه والا فهيكون بيجنى على ابنه وانهم

ممكن يستقصدوه حتى لو راح كلية تانية

فمن خوف الاب على مستقبل ابنه مضى بكل هدوء وانكسار على استقالة ابنه ومش بس كده لأ وماكفاش صاحب النسر والدبورة كده ده ادعى ان الكلية صرفت على الولد 16 الف جنيه فى الكام شهر دول من بداية الدراسة ومن كرم اخلاقهم وعشان عارفين انه راجل غلبان وعلى اد حاله هياخدوا منه 5 تلاف بس

شوفوا الظلم يعنى موت وخراب ديار

المهم من كتر خوف الاستاذ حاول يدبر المبلغ ويوديه لهم وده طبعا خوفا من الاذية اللى هدده بيها صاحب النسر

طبعا الاستاذ مكلوم الفؤاد هيعمل ايه رجع مكسور الجناح وحاول يشوف حد من الرتب العالية يستفسر عن الموضوع بالظبط وايه اللى حصل

فلما سالوا الاساتذة فى الكلية عن الولد قالوا الولد قمة فى الادب والالتزام ولا غبار عليه

والحكاية ومافيها انهم كانوا عايزين يفضوا مكان فى الكلية لولد تانى ابوه هيدفع فلوس كتير فمالقوش الا الولد ابن الاستاذ الذى لاحول له ولا قوة عشان يلفقوا له تهمة باطلة ويخرجوه من الكلية وفى وقت حرج جدا وبالتالى السنة كده ضاعت على الولد

ومن ساعتها والولد جاتله حالة اكتئاب .........طبعا مفيش اصعب من الظلم

ووالدته تعبت ملازمة للفراشة والبيت اتقلب محزنة

دانا والاستاذ بيحكى الدموع خلاص فرت من عينى وهو بيقول والله لو كان ميتم كان هيبقى اهو

بلدنا وملناش حق فيها

واااااااااااه يابلد من غير صاحب

وبيقول كمان عليه العوض فى الواد اللى حيلتى

وكمان مااقدرش اشتكى وانا ماضى بايديا

(نازل وانا ماشى عالشوك برجليا وانت السبب يا باه يا اللى خليت بيا)

خوفت يأذونا

يعنى هما كتفونا

خلاص ماهو اللى ليه ضهر مايضربش على بطنه فى الزمن ده

والجنيه غلب الكرنيه

والله ياجماعة الموضوع ده كسر فيا حاجات كتير مع انه مش قريبى بس احنا كلنا مسلمين مصريين

الالم فى قلب واحد فينا

جرح لينا كلنا

احنا حتى قعدنا نقوله يصعد الموضوع يشتكى لويز الحربية يمكن يكون لسه فى حد عنده ضمير

ويرجعله حقه.

الموضوع ده من اسمهام زميل وصديق عزيز عليا جدا


ودا كان تعليق عنده فى المدونه
اضيف في 26 يناير, 2010 11:44 م , من قبل تامر من مصر

قسما بالله انت ماتعرف حاجة
وكلامك على الفاضى وانت اصلا ملكش لزمة علشان مافيش حد بيظلم حد وبالذات فالكلية دى وانت لو راجل استنى يومين بس وحتشوف اللى يحصلك
انا عملت برنت للصفحة وحوريك الكلية دى حتعمل فيك
انا حوصله ان شاء الله للكلية

تهنئة قلبية

تتقدم حركة شباب 6 ابريل بخالص التهنئه لحركة ” لن تمروا ” الشقيقه على تأسيسها و بدء نشاطها
و نؤكد على ان علاقتنا بالزملاء من حركة لن تمروا و حزب العمل هى علاقة صداقه و زماله و نضال مشترك ..و نؤكد على استمرار التعاون بيننا فى الانشطه المشتركه فى المستقبل ..و ان اختلافهم عنا فى المبدأ او اعتزازهم بالانتماء الحزبى لن يمنعنا من التعاون المشترك أو استمرارنا فى فكرة الائتلاف ..و أننا نفخر بأننا قد عملنا سويا خلال العام الماضى قبل انفصالهم بشجاعه عن شباب 6 ابريل و نشكر لهم اصرارهم على الا يعطل الخلاف فى الافكار اى عمل مشترك مستقبلىز
و نؤكد ان تأسيس حركة “لن تمروا ” يعتبر إضافه للحياه السياسيه المصريه وخصوصا و اننا متفقون فى الهدف النهائى و ان اختلفنا فى الطريقه
وتؤكد حركة 6 أبريل أنها حركة مصرية خالصة لا تستهدف سوى صالح الشعب المصري وحريته ولا تقبل أي تدخل خارجي في شئونها أيا كان مصدر هذا التدخل وأنها تنتهج في ذلك منهج التغيير السلمي اللاعنيف مع الناس ولصالح الناس
شباب حر
شباب بيحب مصر
حركة شباب 6 ابريل
مع تحيات المكتب الاعلامى

لك حياتى وروحى ودمى ومالى واهلى. لك انت دون غيرك. قرارى اتخذته ولن اتراجع فيه. قررتها منذ نعومة اظافرى وبداية وعيى. فانا لن اتنازل عن حريتك مهما حدث منك. ولن اترك فاسد ولا فاسق ولا عميل يعبث بك أبداً. سأقاتل حتى اخر رمق فى حياتى. ساقاتل كل من يجرؤ على فتح فم باى قول قد أشعر أنه يدينك. سأقاتل الظلم والفساد والطغيان. لن أحمل سلاح فمعى سلاحى. تفكيرى ووعيى وقلمى. بهما سأفعل المستحيل لتحريرك من أى خائن أو فاسد. سأعرض نفسى للضرب والتعذيب والاهانات وكل شئ ممكن من أجل تحريرك ولن يستطيع أحدهم أن يثنينى عما قررت. فأنا لا أرغب فى السلطة ولا الجاه ولا الشهرة. كل ما أرغب فيه حياة كريمة لكل مصرى. فقط مصرى مهما كانت ديانته أو تفكيره. وسأعمل على تحقيق هذا مادا يدى لمن يرغب فى مشاركتى. لن أمتنع عن التعامل مع أى كائن لتحقيق هدفى. ففيك ولدت ولك أعيش ومن أجلك سأموت. لن أتنازل عن أى حق مهما بدا تافها أو صغير. سأضع حياتى فى وجه كل من أساء اليك أو لشعبك الكريم. فأنت حرة وأبدا لن تصبحى مرتع للفساد والخونة. أبدا لن أترك أحدهم يعبث بك بحجة الدفاع عنك. فكل شخص قد بانت نيته أمامى. بعضهم يرغب فى حريتك فعلا ولكنه لايعرف الطريق وهذا لن أتركه قبل ان أدلة على الطريق السليم ان استطعت وأتأكد من اتباعه اياه. والاخر اتخذ من حبك غاية للوصول الى مايريد من شهرة او جاه أو سلطة وهذا سأقف فى وجهه بكل ما أوتيت من قوة ولن أتركه الا بعد أن يحيد عما يريد أو أهلك دونه. فأما الثالث والذى يجب علينا توعيته هو ذلك الذى لا يعرف ماذا يريد فبأيدينا مجمعه سويا فى حبك يا وطن سنعمل على تقويمه ووضعه على اول الطريق وعليه ان يتعثر فى البداية حتى يستطيع الوصول الى ما يريد بلا مقابل منتظر منك. فمكافئتنا هى حريتك واستعادة كرامتك. لن أنظر لما يقال عنى و لن احيد عن هدفى الا فى حالتين تحقيقة أو موتى و ها انا اعلنها ميثاق جديد لكل من يرغب فى وضع يديه فى يدى ونبدأ صفحة جديدة من أجلك يا مصر ومن أجل حريتك وكرامتك ولننبذ الخلافات جانبا ولنفيق. فلما الخلافات والتشهير ولما الفرعيت مادام الهدف الاسمى مرئى لنا جميعا الا وهو حب مصر. فلتتركوا كل يعمل بطريقته فثقتى الشخصية فى حب كل مصرى لبلده بطريقته الخاصة لا تنتهى. فرجاء اخوانى يجب علينا ترك الخلافات التى لا ناقة لها ولا جمل ولننتبه لمن المستفيد منها. فقط عصابة المستثمرين ينهبون ويرتعون فيها مطمئنين لانشغالنا عنهم بخلافات لا داعى لوجودها. فلتفيقوا يا امة ولتدركوا الخطة فمصرنا فى خطر.

ما الفارق بيننا وبين الاحزاب ؟!!!

عفواً فأثناء تفكيرى فى اى فارق بيننا وبين الاحزاب لم اجد اتدركون هذا ؟؟؟ فقط أبحث عن اى فارق لصالحنا مهما كان ضئيل لم اجد . بل على العكس فالاحزاب افضل منا بالكثير فهى مليئة بالخلافات ولكنها فى سرية فلا تعلن خلافغتها على صفحات الجرائد والانترنت . فاعضئها لا يهاجمون بعضهم البعض فى العلن. لا يعلنون عن اى انقسامات مع انها مليئة بالانقسامات. فالحروب عندهم مهما كانت خاطئة تكون فى صمت و بدون علم احد خارج الكيان. و لكننا حينما يحدث اى خلاف بين اثنين يستغل كل منهما نفوذة ومعارفة للتشهير بالاخر على صفحات الجرئد والانترنت و تبدا حرب البيانات التى لا يعلم الا الله متى تنتهى.بالله عليكم افيقوا ولا تسحيونا معكم الى جرف الهاوية. فقط تذكروا لماذا دخلتم الحركة؟ ألأجل مصر؟؟؟اذا كان ذلك فلتدركوا جيدا ان مصر اصلاحها لا يتم بتلك الطريقة ابدا بل تؤدى الى انحدارها أكثر مما هى فيه.هل دخلتموها لاجل الشهرة والاعلام ؟؟ اذن فلتنسحبوا كما ينسحب الريح من غرفة مفتوحة الابواب فمصر لاترغب بكم مشهرين بها وساحبيها الى الهاوية. مصر ترغب فى رجال يقفوا فى وجه الشدائد يدا واحده ولا تهزهم اى عوامل خارجية ولا تثنيهم على الكفاح من اجل مصر

انتفاضتى

قررت ان اصرخ وانتفض ضد الظلم والاقاويل كما قررت ان انتفض ضد كل من صرخ فى وجهى يوما وقال لى لا . قررت البقاء وعدم الرحيل والحفاظ على كل المعانى الجميلة فى حياتى ولن اصمت بعد اليوم.سأصرخ فى وجه كل من قال لى لا . ساصرخ فى وجه كل من رفضنى . سأحيا بطريقتى ولن أكف عن الكفاح فى سبيلك يا وطن. سأعمل بطريقتى . فقط طريقتى لن انتهج نهج احدهم. ساظل كما انا بدون تغيير . لن أتغير لان أحدهم يرغب فى ذلك. سأظل العاشق لتراب وطنه. سأظل المتحدى لكل طاغية. لن اتنازل عن اى حق من حقوقى مهما كانت. سأصرخ بأعلى صوتى. سأكافح واقاتل واحارب من اجل بقاء الوطن ومن أجل الحصول على الحرية والبقاء والأمان. لن أنحاز لاحدهم مهما كانت مكانته عندى. سأصرخ فى وجه كل من اهاننى من امامى. وأقاتل كل من ضربنى فى ظهرى. فأنا مصرى. فقط مصرى. ولا غيرها. سأعيش مصرى كما سأموت مصرى ولن اترك شبرا فيك يا وطن مهان بدون ان ادافع عنه. واعلنها للجميع. أرفض المؤامرات والشللية . أرفض الأحزاب والتجمعات. ارفض الاجتماعات والخناقات. اقبل فقط بالعمل . العمل الجاد لصالح مصر. وها انا امد يدى لمن يرغب ان يسير معى فى هذا النهج لصالح مصر. فقط مصر فأهلا به معى والا فلترحل ولا تتفوه باى عذر أو مقوله. فقط اتركنا نعمل بصمت من اجل وطن أفضل لنا جميعا. بدون اى انتهاكات ولا مؤامرات ولا شللية ولا احزاب فقط نريد مصر لكل مصرى حر شريف